Սալվադոր Դալիի թանգարան, Սալվադոր Դալիին նվիրված գործող մշտական ցուցադրություն Ֆրանսիայում, որը հիմնականում բաղկացած է քանդակներից և փորագրանկարներից։ Թանգարանում, որը գտնվում է Փարիզի Մոնմարտր շրջանում, ցուցադրվում են շուրջ 300 բնօրինակ աշխատանքներ։ Հավաքածուում ներկայացված են հիմնականում Դալիի ամենահայտնի սյուրռեալիստական եռաչափ քանդակները։
Ցուցադրված հավաքածուն «Դալիի տիեզերք» հավաքածուի մի մասն է, որը համադրել է իտալացի կոլեկցիոներ Բենիամինո Լևին։ Ցուցադրված են «Տիեզերական փիղը» և «Ալիսան հրաշքների աշխարհում» քանդակները։ Թանգարանին կից գործում են երկու պատկերասրահներ. «Դալիի պակերասրահը», որը ներկայացնում է նկարչի աշխատանքները (քանդակներ, փորագրություններ և վիմագրեր) և «Մոնմարտր պատկերասրահը», որտեղ ցուցադրված են նաև ժամանակակից նկարիչների աշխատանքներ։ Հնչյունային ձևավորման համար թանգարանն օգտագործում է Սալվադոր Դալիի ձայնի հնչյունավորումը։
Owlapps.net - since 2012 - Les chouettes applications du hibou