Սալվադոր Դալիի թանգարան (Փարիզ)

Սալվադոր Դալիի թանգարան, Սալվադոր Դալիին նվիրված գործող մշտական ցուցադրություն Ֆրանսիայում, որը հիմնականում բաղկացած է քանդակներից և փորագրանկարներից։ Թանգարանում, որը գտնվում է Փարիզի Մոնմարտր շրջանում, ցուցադրվում են շուրջ 300 բնօրինակ աշխատանքներ։ Հավաքածուում ներկայացված են հիմնականում Դալիի ամենահայտնի սյուրռեալիստական եռաչափ քանդակները։

Ցուցադրված հավաքածուն «Դալիի տիեզերք» հավաքածուի մի մասն է, որը համադրել է իտալացի կոլեկցիոներ Բենիամինո Լևին։ Ցուցադրված են «Տիեզերական փիղը» և «Ալիսան հրաշքների աշխարհում» քանդակները։ Թանգարանին կից գործում են երկու պատկերասրահներ. «Դալիի պակերասրահը», որը ներկայացնում է նկարչի աշխատանքները (քանդակներ, փորագրություններ և վիմագրեր) և «Մոնմարտր պատկերասրահը», որտեղ ցուցադրված են նաև ժամանակակից նկարիչների աշխատանքներ։ Հնչյունային ձևավորման համար թանգարանն օգտագործում է Սալվադոր Դալիի ձայնի հնչյունավորումը։

Տեղեկություն

• Հասցե՝ 11 rue Poulbot 75018 Paris
• Մետրոյի Անվեր և Աբբես մոտակա կայարաններ։
• Աշխատանքային ժամեր՝ ամեն օր ժամը 10:00-18:00։
• Մուտքի տոմս՝ 11.5 եվրո, մինչև 8 տարեկան երեխաների համար՝ անվճար, մինչև 26 տարեկան երիտասարդների համար՝ 6,5 եվրո, 60 տարեկանից բարձր անձանց համար՝ 7,5 եվրո։

Տես նաև

• Դալիի թատրոն-թանգարան — Սալվադոր Դալիի թանգարանն արվեստագետի հայրենի Ֆիգերաս քաղաքում։
• Սալվադոր Դալիի թանգարան (Սենտ Պիտերսբերգ) — թանգարան ԱՄՆ-ի Սենտ Պիտերսբուրգ քաղաքում (Ֆլորիդա)։

Ծանոթագրություններ

Արտաքին հղումներ

• Թանգարանի պաշտոնական կայքէջ
• Espace Dali թանգարանը Փարիզում