Shinjuku (japonieraz: 新宿区, Shinjuku-ku) Tokioko mendebaldeko auzoetako bat da. 2009ko erroldaren arabera 318.270 biztanle bizi ziren 18,23 kilometro koadroko azalera, eta biztanle dentsitatea 17.140 pertsona kilometro koadroko zen.
Honako auzo hauek inguratzen dute Shinjuku: Chiyoda ekialdean, Bunkyō eta Toshima iparraldean, Nakano mendebaldean eta Shibuya eta Minato hegoaldean. Shinjuku barnean oso desberdinak diren eremuak aurkitzen dira:
1634ean hainbat tenplo eraiki ziren Shinjukuren ekialdean eta 1698an Tokiotik mendebalderako errepidean zegoen posta edo geltokia ezarri zen bertan, Naitō Shinjuku izenekoa. Naitō bertako daimio (jauntxoa) zen.
Shinjuku 1923ko Kantoko lurrikararen ondoren hasi zen garatzen, izan ere lurrikaren aurrean eremu egonkorra baitzen. 1947an finkatu ziren gaur egungo mugak Yotsuya, Ushigome eta Yodobashi auzoek bat egin zutenean. 1991ean Tokioko gobernua bertara mugitu zen gaur egun Tokioko udaletxea den eraikinera.
Nazioarteko konpainia askok dute beren egoitza Shinjukun:
Tokyo Yakult Swallows beisbol taldeak bertan du egoitza. 5 aldiz izan da Japoniako txapelduna.
Taihō Kōki sumo borrokalari handia bertakoa da. Yokozuna titulua eskuratu ondoren 58 borroka jokatu zituen, historiako hirugarrena bihurtuz.
Owlapps.net - since 2012 - Les chouettes applications du hibou