Քարնաբի (փողոց)

Քարնաբի (անգլ.՝ Carnaby Street), փոքրիկ անցումային փողոց Լոնդոնում, Ռիջենտ և Օքսֆորդ փողոցների մոտակայքում։ 1960-ական թվականներին փողոցը գտնվում էր «ճոճվող Լոնդոնի» կենտրոնում։ Այժմ Քարաբի փողոցի վրա են բուտիկները, բայց նրանցից շատերը ցուցադրում են ժամանակակից նորաձևության զանգվածային միտումները։

Պատմություն

Փողոցը Քարնաբի է անվանվել Քարնաբի-հաուս (անգլ.՝ Karnaby House) բարձր շենքի պատվին։ Քարնաբի-հաուսի ծագման մասին տեղեկություններ չկան։ Ենթադրաբար Քարնաբի փողոցը կառուցվել է 1685 կամ 1686 թվականներին։ Վերջնականապես կառուցվել է 1690 թվականին փոքրիկ տներով։

1934 թվականին բացվել է Florence Mills Social Club ջազ-ակումբը, որտեղ հավաքվում են պանաֆրիկանիզմի կողմնակիցները։

1958 թվականին Ջոն Սթիվենը Քարնաբի փողոցի վրա բացեց իր առաջին բուտիկ His Clothes-ը։ Նրան հետևեցին I Was Lord Kitchener’s Valet, Kleptomania, Mates, Ravel և այլ բուտիկներ։

1960-ական թվականների սկզբներին Քարնաբին դարձավ նորաձևությամբ հայտնի փողոց։ Շատ անկախ դիզայներներ, ինչպիսիք են Մերի Քուանտը, Ֆոալե ի Տաֆֆինը, Լորդ Ջոնը, Merc-ը, Take Six-ն ու Irvine Sellars-ը բնակվում էին Քարնաբի փողոցում։ Հարակից փողոցներում իրենց տեղն էին գտել նկուղային ակումբները, որտեղ ելույթ էին ունենում Small Faces-ը, The Who-ն и Rolling Stones-ը։ Քարնաբի փողոցը դարձավ Լոնդոնի գլխավոր փողոցներից մեկը։

1973 թվականի հոկտեմբերին Լոնդոնի Մեծ Խորհուրդը մասամբ պատրաստել է հետիոտնային գոտի, արգելելով երթևեկությունը 11.00-ից մինչև 20.00-ը։