Baliaezinak edo, frantsesez Hôtel des Invalides, XVII. mendeko (1671-1676) eraikin ikusgarri bat da, Parisko 7. barrutian dagoena, Eskola Militarretik 400 metrora; egun, Armadaren Museoa bertan dago.
Eraikina Luis XIV.a Frantziakoa erregearen aginduz eraiki zen, etxerik gabe geratzen ziren gerrako beterano baliaezinentzat. Planoak Libéral Bruantenak dira, eta Jules Hardouin-Mansartek eraiki zuen.
Napoleon Bonaparteren hondarrak ditu bertan, Santa Helena uhartetik Parisera 1840an eraman zirenak, Luis Felipe Orleansekoaren ekimenez. 1940tik, haren seme Napoleon II.a Frantziakoaren eta anaia Joseph Bonaparteren hondarrak ere baditu, baita zenbait mariskalenak ere, horien artean, Louis Hubert Lyautey, Ferdinand Foch eta Philippe Leclercenak.
Multzo arkitektonikoa San Luisen kaperako bere urre koloreko kupulagatik (frantsesez, dôme) nabarmentzen da.
Owlapps.net - since 2012 - Les chouettes applications du hibou