Բրուքլինի հանրային գրադարան, գրադարանների ցանց, որ սպասարկում են Նյու Յորք քաղաքի Բրուքլին շրջանի բնակչությանը։ Զբաղեցնում է հինգերորդ տեղը ԱՄՆ գրադարանային ցանցերի շարքում։ Ինչպես և Նյու Յորքի երկու այլ գրադարանային ցանցերը համարվում է անկախ ոչ առևտրային կազմակերպություն, որը ֆինանսավորվում է Նյու Յորքի իշխանությունների, նահանգների կառավարությունների, դաշնային կառավարության և մասնավոր հովանավորների կողմից։ 2009 ֆինանսական տարում գրադարանը ԱՄՆ ամենահաճախելի գրադարանն էր հանրային գրադարանների թվում։
Բրուքլինի գրադարանային ցանցը հաստատված է Նյու Յորք նահանգի 1892 թվականի մայիսի 1-ի օրենքով։ Բրուքլինի հանրային խորհուրդը ստեղծեց Բրուքլինի հանրային գրադարանի ստեղծման մասին բանաձևտ 1896 թվականի նոյեմբերի 30-ին։ Գրադարանի առաջին տնօրենը Մերի Քրեգին էր։ 1901-ից մինչև 1923 թվականը ընկած ժամանակահատվածում միլիոնատեր Էնդրյու Քարնեգին 1,6 միլիոն դոլար նվիրաբերեց 21 մասնաճյուղերի զարգացման համար։
Գրադարանային ցանցը կառավարվում է 28 անդամներից բաղկացած խորհուրդի կողմից, որոնք չեն ստանում աշխատավարձ։ Խորհրդի 11 անդամները նշանակվում են քաղաքապետի կողմից և ևս այդքանը Բրուքլին վարչական շրջանի ղեկավարի կողմից։ Խորհրդի մնացած 12 անդամներն ընտրվում են։
Owlapps.net - since 2012 - Les chouettes applications du hibou