Aller au contenu principal

Ֆինլանդիայի ազգային գրադարան


Ֆինլանդիայի ազգային գրադարան


Ֆինլանդիայի ազգային գրադարան (ֆիններեն՝ Kansalliskirjasto), մինչև 2006 թվականտ՝ Հելսինկիի համալսարանական գրադարան (ֆիններեն՝ Helsingin yliopiston kirjasto), Ֆինլանդիայի ամենահին և առաջատար գիտական գրադարան։ Միաժամանակ իրականացնում է Հելսինկի համալսարանական և ազգային գրադարանի գործառույթներ։

Գրադարանն ունի արժեքավոր հավաքածու սլավոնագիտության մասին (450 000 հատոր), որը հավաքվել է դեռ ռուսական ցարիզմի ժամանակաշրջանում, երբ Հելսինկիի գրադարանն իրավունք ուներ ունենալու Ռուսական կայսրության բոլոր հրապարակումների պարտադիր օրինակ։

Գրադարանի գլխավոր մասնաշենքը, որի նախագիծը մշակել է գերմանացի ճարտարապետ Կարլ Լյուդվիգ Էնգելը, կառուցվել է 1840-1846 թվականներին կլասիցիզմի ոճով։ Գրադարանի ռոտոնդայի նոր հավելվածը, որը նախագծել է ճարտարապետ Գուստավ Նյուստրյոմը, ավարտվել է 1906 թվականին։ 1998 թվականին գրադարանը ընդլայնվել է Ֆաբիանիա (Fabiania) շենքի ավելացմամբ, որի տարբեր մասերը կառուցվել են Վիան Վիկի և Գուստաֆ Նիստրոմի կողմից 1844-1895 թվականներին։ Ֆաբիանիան մյուս շենքերին միացված է ստորգետնյա թունելով։

Գրադարանը գտնվում է քաղաքի կենտրոնում՝ անմիջապես Հելսինկիի համալսարանի դիմաց։ Հավաքածուի մեծ մասը պահպանվում է «Կիրյալուոլա» (գրքերի քարանձավ) կոչվող ստորգետնյա բունկերում, որը զբաղեցնում է 57 600 մ2 տարածք։

Գրադարանում աշխատում են 200 աշխատակից։ 2008 թվականին գրադարանի բյուջեն կազմել է 18 միլիոն եվրո։

Պատկերասրահ

Տես նաև

  • Կորեայի ազգային գրադարան
  • Չինաստանի ազգային գրադարան
  • Ալժիրի ազգային գրադարան

Ծանոթագրություններ

Գրականություն

  • П. П. Гнедич История искусств. — С.-Петербург: Издание А. Ф. Маркса, 1897. — Т. 3. — С. 696. — 720 с.

Collection James Bond 007


Text submitted to CC-BY-SA license. Source: Ֆինլանդիայի ազգային գրադարան by Wikipedia (Historical)


Langue des articles



Quelques articles à proximité