Casa de las Rejas (Madril)

Casa de las Rejas edo Las Rejas etxea (Errejen Etxea) Madrilgo eraikin bat da, XVII. mendeko arkitektura barrokoaren adibidea. 1980tik Madrilgo ESCRBC eskolaren egoitza da.

Historia

Ez da ezagutzen etxea nork eraiki zuen, ezta zehatz noiz edo zein jaberentzat, baina jada 1656ko Pedro Teixeiraren Madrligo planoan ageri da, eta garaiko Madrilgo adibide barroko bakanetakoa da 21. mendean gordetzen dena. XVII. mendean, eraikina zegoen kaleari Las Rejas kalea deitzen zioten, etxearen leihoetako errejengandik (gaur egun Guillermo Roland kalea da).

Etxeko maizterren artean Juan de Ciriza bizi izan zen han, FIlipe III.a Espainiakoaren idazkaria eta Estatu Kontseiluko lehendakaria, eta XIX. mendean han bizi eta hil zen Francisco Martínez de la Rosa, Espainiako Ministroen Kontseiluko lehendakaria.

1970eko hamarkadan hutsik geratu zen, suteren bat izan zuen eta erortzeko zorian egon zen, baina Hezkuntza eta Zientzia Ministerioak erosi zuen, eta Escuela Superior de Conservación y Restauración de Bienes Culturales (ESCRBC) delakoa bertan kokatzeko erabili zen, 1980an berrirekiera eginez.

Erreferentziak

Kanpo estekak