Կոնդորսե լիցեյ (ֆր.՝ Lycée Condorcet), փարիզյան ամենահին և լավագույն չորս լիցեյներից մեկը։ Գտնվում է Ֆրանսիայի մայրաքաղաք Փարիզի 9-րդ շրջանում (Սենի աջ ափին)։
Բացվել է 1803 թվականին կապուցինների նախկին վանքի շենքում, որը կառուցվել է 1780-ական թվականներին և 1789 թվականին դարձել ազգային ժառանգություն։ Այն կոչվել է Բոնապարտների, Բուրբոնների և այլոց անուններով, 1883 թվականին ստացել է ներկայիս անվանումը՝ ի պատիվ ֆրանսիացի գիտնական, փիլիսոփա և քաղաքական գործիչ Նիկոլա դը Կոնդորսեի։
Այլ հայտնի լիցեյների հետ համեմատած՝ Կոնդորսե լիցեյը փոքր է. այնտեղ սովորում է 500 լիցեիստ և 500 նախապատրաստական դասարանների ուսանող։ Առաջիններից էր, որ սկսեց ընդունել աշակերտուհիների։
Լիցեյի դասախոսների և շրջանավարտների թվում կան Ֆրանսիայի վերջին երկու դարերի շատ նշանավոր մարդիկ։
Լիցեյը հիշատակվել է Էմիլ Զոլայի «Կյուրե», Անդրե Ժիդի «Դրամանենգեր», Ժան Կոկտոյի «Սարսափելի երեխաներ» վեպերում։
Owlapps.net - since 2012 - Les chouettes applications du hibou