Սուրբ Երրորդություն կաթողիկե եկեղեցի (Ստամբուլ)

Սուրբ Երրորդություն կաթողիկե եկեղեցի, հայ կաթողիկե եկեղեցի Թուրքիայի Ստամբուլ քաղաքի Բեյօղլու շրջանում։ Եկեղեցին կառուցել են չորս ավստրիացի քահանաներ 18-րդ դարի սկզբին։ Վերակառուցումից հետո այն այրվել է 1762 թվականին, 1831 թվականին կրկին հրդեհվել է և վերակառուցվել 1836 թվականին։ Եկեղեցին 1857 թվականի մայիսի 25-ին գնել են հայ կաթոլիկները։

Այս տաճարի թուրքական անվանումն է «Սուրբ Հովան Ոսկեբերան էրմենի Կաթոլիկ Քիլիսեսի», քանի որ այն հայկական եկեղեցի է, որը պատկանում է կաթոլիկ հռոմեական եկեղեցուն, ի տարբերություն աշխարհի հայկական եկեղեցիների մեծ մասի, որոնք Հայ Առաքելական եկեղեցու մաս են կազմում։

Այս եկեղեցին նվիրված է Սուրբ Հովհաննես Ոսկեբերանին, որը եղել է Կոստանդնուպոլսի արքեպիսկոպոս։ Նա շատ նշանավոր քարոզիչ էր՝ հայտնի իր պերճախոսությամբ և իր բազմաթիվ գրվածքներով (այստեղից էլ եկել է «Ոսկեբերան» անվանումը)։

Այս եկեղեցին գտնվում է Թաքսիմ հրապարակից և հայտնի Istiklal Caddesi հետիոտնային բուլվարից մի քանի քայլ հեռավորության վրա։ Եթե դուք չեք փնտրում եկեղեցին, հնարավոր է, որ զբոսնելիս բաց թողնեք այն, քանի որ այն գտնվում է նեղ փողոցի վրա գտնվող բարձր պատի հետևում։ Ե՛վ արտաքին պատը, և՛ եկեղեցու պատերը վարդագույն են։

Ոսկեբերանն այնքան էլ զարդարված կամ շքեղ տաճար չէ։ Այն բավականին պարզ է և էլեգանտ՝ մարմարից, ոսկուց և փայտից պատրաստված բազմաթիվ տարրերով։ Գեղեցիկ են եկեղեցու ճրագները, զոհասեղանն ու խորանը։

Ծանոթագրություններ