Վիլժուիֆ ( ֆր.՝ Villejuif ), քաղաք և համայնք Ֆրանսիայի կենտրոնական մասում՝ Իլ-դե-Ֆրանս երկրամասի Վալ դը Մառն դեպարտամենտի Լ'Էլ-լե- Ռոզ շրջանում։ Փարիզի հարավային արվարձանն է. Ընկած է Փարիզի կենտրոնից (Նոտր Դամ) 8 կիլոմետր հեռավորության վրա։ Զբաղեցնում է 5,34 քառակուսի կիլոմետր տարածք։ 2010 թվականի տվյալներով բնակչության թվաքանակը եղել է 51 հազար 739։
Վիլժուիֆը պատմական փաստաթղթերում առաջին անգամ հիշատակվել է 1119 թվականին Կալիստոս II-ի պապական բուլլայում Villa Judea, այսինքն՝ «հրեական գյուղ» անվանումով, հետագա դարերում՝ արխայիկ ֆրանսերեն նույնիմաստ գրությամբ՝ Villejuifve։ Սակայն միջնադարում այս տեղանքում հրեաների առկայության մասին տվյալներ չեն պահպանվել, և, հետևաբար, նրանց դերը այս բնակավայրի հիմնադրման (կամ զարգացման) գործում հաստատված չէ։
Վիլժուիֆը սպասարկվում է Փարիզի մետրոյի 7-րդ գծի 3 կայարաններով՝ Villejuif - Léo Lagrange, Villejuif - Paul Vaillant-Couturier և Villejuif - Louis Aragon :
Վիլժուիֆի բնակչության թվաքանակը 2010 թվականի տվյալներով եղել է 51 հազար 739։ Բնակչության խտությունը կազմում է 9689 մարդ։ /կմ².
Owlapps.net - since 2012 - Les chouettes applications du hibou