![Սուրբ Աստվածածին եկեղեցի (Էյուփ) Սուրբ Աստվածածին եկեղեցի (Էյուփ)](/modules/owlapps_apps/img/nopic.jpg)
Սուրբ Աստվածածին եկեղեցի, հայ առաքելական եկեղեցի Թուրքիայի Ստամբուլ քաղաքի Էյուփ շրջանում։
Իսլամբեյ փողոցի վրա գտնվով այս եկեղեցու կառուցման ստույգ թվականը հայտնի չէ, սակայն այն քանդվել է 1785 թվականին։ 1812 թվականին վերաշինվել է փայտից, որն էլ վերանորոգվել է 1841 թվականին։ 1855 թվականին եկեղեցին վերակառուցվել է քարով և կրով։ Եկեղեցու վերակառուցումը հնարավոր է դարձել շնորհիվ Դադյան ընտանիքի աջակցության։ 1926 թվականի վերակառուցման գործում մեծ ներդրում է ունեցել եպիսկոպոս Սմբատ Քազազյանը։ Ստամբուլի Էյուփ (Էյուփսուլթան) շրջանում հայկական եկեղեցի է եղել նաև Նիշանջա թաղամասի Քարայե փողոցում։
Էյուփի Սուրբ Աստվածածինը վերջին անգամ վերանորոգվել է 2000 թվականին և պաշտանմունքի համար վերաբացվել ձեռամբ Կոստանդնուպոլսի հայոց պատրիարք Մեսրոպ Բ Մութաֆյանի։
Չնայած որ թաղամասում հայերը սակավաթիվ են, սակայն եկեղեցին շարունակում է գործել որպես հայ համայնքի համար աղոթատեղի։
Owlapps.net - since 2012 - Les chouettes applications du hibou