Լյուքսեմբուրգյան այգի (ֆր.՝ Jardin du Luxembourg), հանրային այգի Փարիզի կենտրոնում՝ 6-րդ շրջանում։ Համարվում է քաղաքի տեսարժան վայրերից մեկը։ Նախկին թագավորական, իսկ այժմ՝ պետական պալատական այգին լատինական թաղամասում զբաղեցնում է 26 հեկտար տարածք։ Այգում է տեղակայված Լյուքսեմբուրգյան պալատը, որտեղ իր գործունեությունն է ծավալում Սենատը՝ ֆրանսիական պառլամենտի երկրորդ պալատը։
Լյուքսեմբուրգի այգու հյուսիսում է գտնվում նույնանուն պալատը և «Փոքր պալատը» (ֆր.՝ Petit Palais), որը համարվում է Սենատի նախագահի պաշտոնական նստավայրը, ջերմոց և Լյուքսեմբուրգի թանգարանը, իսկ արևելքում՝ Փարիզի լեռնագործության բարձրագույն ազգային դպրոցը (ֆր.՝ École des Mines)։ Այգին կարելի է պայմանականորեն բաժանել 2 մասի՝ պալատի շրջակայքում տեղակայված են դեռևս 17-րդ դարում խիստ երկրաչափական կարգով և ֆրանսիական դասական ոճով կառուցված կլումբաներ և տեռասաներ, արևելյան և հարավարևելյան մասում առավել ուշ առաջացել է անգլիական ոճի մեկ այլ զբոսայգի։
Owlapps.net - since 2012 - Les chouettes applications du hibou