Չեռնուսկի թանգարան

Չեռնուսկի թանգարան (ֆր.՝ Musée Cernuschi), Փարիզի ամենահին թանգարաններից մեկը, որը հիմնադրել է 1898 թվականին ֆինանսագետ, իտալական-ֆրանսիական քաղաքական գործիչ, տնտեսագետ Անրի Չեռնուսկին։ Այն Ֆրանսիայի երկրորդ (Գիմի թանգարանից հետո) արևելյան արվեստի թանգարանն է՝ իր 12 500 ցուցանմուշներով։ Թանգարանը վերանորոգվել է 2001-2005 թվականներին, որից հետո ցուցադրության տարածքը հասցվել է 3.200 քառակուսի մետրի։ Այն երկրորդ ամենահին Ասիական արվեստի թանգարանն է Ֆրանսիայում, և հինգերորդ ամենահին չինական արվեստի թանգարանը Եվրոպայում։

Հավաքածուներ

Թանգարանում ցուցադրվում է Բուդդայի բրոնզե արձանը, որը Մեգուրոյից (Ճապոնիայի շրջան) գնել էր ֆինանսագետ Անրի Չերնուսկին, իր ճապոնական ուղևորությունների ժամանակ։

Շուրջ 900 ցուցադրվող հավաքածուներով պետք է նշել հետևյալները.

• Հին ժամանակաշրջանի եզակի բրոնզե օբյեկտների հավաքածու (Մ. թ. ա. XV դարից — մ. թ. ա. III դարը),
• Դեռևս Հան դինաստիայի ժամանակաշրջանի արվեստին պատկանող առարկաներ,
• Վեյ և Սույ դինաստիայի հուղարկավորության արձաններ,
• Թան դինաստիայի արվեստի գործերից պահպանված նմուշներ,
• Թան դարաշրջանից մինչև Սուն դարաշրջանի խեցեգործական իրեր,
• Լյայո դարաշրջանի հազվագյուտ տիպի զարդերի հավաքածուներ,
• Փորագրանկարների արտատիպեր (էստամպներ)։

Բացի չինական արվեստի հարուստ հավաքածուից, թանգարանում կան նաև ճապոնական և կորեական արվեստները ներկայացնող հավաքածուներ։

Գործնական տեղեկություններ

Թանգարանը գտնվում է Փարիզի 8-րդ շրջանում, Մոնսո պարկին հարակից, Villiers և Monceau մետրոների կայաններում։

Թանգարանը զբաղեցնում է այն տարածէը, որը Անրի Չերնուսկին հատուկ պատրաստել էր իր հավաքածուի համար։

Թանգարանի հասցեն՝ 7 avenue Vélasquez, 75008 Paris:
Թանգարանը բաց է երեքշաբթիից մինչև կիրակի օրերը, 10:00-ից մինչև 18:00-ը։ Փակ է միայն երկուշաբթի օրերին։

Պատկերասրահ

Հավաքածուներ

Ծանոթագրություններ

Աղբյուրներ

• Cernuschi Museum official website (French, English, Chinese, Japanese)
• Paris Musées official website Արխիվացված 2018-08-30 Wayback Machine
• Marie-Thérèse Bobot, The Chinese Collections of the Cernuschi Museum: General Guide, Paris-Musées, 1993. ISBN 2-87900-154-4.
• Waldemar George, "Art in Paris: The Cernuschi Museum", The Burlington Magazine for Connoisseurs, Vol. 50, No. 290 (May, 1927), pp. 283–284.
• Vadime Elisseeff, Bronzes Archaïques Chinois Au Musée Cernuschi (Archaic Chinese Bronzes), L'Asiathèque, 1977.
• Cernuschi Museum feature on Paris Walking Tours website

Արտաքին հղումներ

• Թանգարանի պաշտոնական կայքը