Միգել դե Սերվանտեսի հուշարձան (իսպ.՝ Monumento a Miguel de Cervantes), հուշարձան, որը գտնվում է Իսպանիայի մայրաքաղաք Մադրիդի «Իսպանիա» հրապարակում։
1915 թվականին՝ Միգել դե Սերվանտեսի մահվան երեքհարյուրամյակի նախօրեին, հայտարարվել է իսպանացի մեծանուն գրողի հուշարձանի ստեղծման մասին։
Քանդակի ստեղծման նպատակը նորաստեղծ «Իսպանիա» հրապարակի զարդարելն էր։
Հուշարձանի ավարտուն դիզայնը ներկայացրել են ճարտարապետ Ռաֆայել Մարտինես Սապատերոյին և քանդակագործ Լորենցո Վալերան։ 1920 թվականին հանձնաժողովը ընդունել է բոլոր իսպանախոս պետություններում արձանի բացման մասին որոշումը։
Սակայն, այսուհանդերձ, մինչև 1925 թվականը ոչ մի շինարարական գործողություններ չեն արվել։
Հուշարձանի վրա աշխատանքներ է տարել նաև ճարտարապետ Պեդրո Մուգուրուսոն, որը փոքր-ինչ պարզեցրել է հուշարձանի տեսքը։
Նա Միգել դե Սերվանտեսի հուշարձանը դարձրել է ձևավոր ճաղաշարք։ Հուշարձանը բացվել է 1929 թվականի հոկտեմբերի 13-ին։
Հուշարձանների համալիրը ներառում է Միգել դե Սերվանտեսի արձանը՝ շրջապատված գրողի հայտնի հերոսների արձաններով։
Համալիրի կենտրոնում գտնվում է Դոն Քիշոտ Լամանչացու և Սանչո Պանսայի բրոնզե արձանները՝ նստած համապատասխանաբար հին երիվարի և ավանակի վրա։
Քարակոթողի գագաթը զարդարված է գլոբուսով՝ հինգ մայրցամաքներով։
Այն խորհրդանշում է իսպաներեն լեզվի տարածվածությունն աշխարհի հինգ մայրցամաքներում։
Հակառակ կողմում գտնվում է Պորտուգալիայի թագուհի Իզաբելլայի քարակերտ արձանը՝ շատրվանի հարևանությամբ։ Բացի այդ, կոմպոզիցիան ներառում է նաև հնդկացու արձան։
Owlapps.net - since 2012 - Les chouettes applications du hibou