Aller au contenu principal

Errepublikaren plaza (Paris)


Errepublikaren plaza (Paris)


Errepublikaren plaza (frantsesez: Place de la République) Frantziako Paris hiriburuan dagoen plaza bat da. 3., 10. eta 11. barrutien arteko elkargunean kokatua dago. 3,4 hektareatako azalera du eta erdian Marianne Frantziako Errepublikako irudi alegorikoaren eskultura dago.

Historia

Hasiera batean Place du Château d'Eau (urezko gazteluaren enparantza) izena zuen, 1811 urtean iturri handi bat altxatu baitzen erdian. Pierre-Simon Girardek diseinatu zuen. 1867an Gabriel Davioud-ek oraindik eta handiagoa zen iturria eraki zuen alboan. Biak ala biak lehoiak zituzten apaigarri.

XIX mendearen amaieran hartu zuen enparantzak gaur egungo itxura, Haussmann baroiak egin zuen Parisko birmoldaketa handiaren barnean. 1879an Errepublikaren 90. urteurrena ospatzeko erdian eskultura bat ezartzea erabaki zen eta horretarako lehiaketa abiatu zen. Léopold Moriceren diseinua izan zen irabazlea. 31 metrotako brontzezko eskultura 1880ko uztailaren 14an inauguratu zen eta ordutik aurrera Errepublikaren plaza izenaz ezagutzen da enparantza.

Kaleak

Hamaika kale eta boulevardek egiten dute bat Errepublikaten plazan.

  • Boulevard de Magenta
  • Rue Beaurepaire
  • Rue Léon-Jouhaux
  • Rue du Faubourg du Temple
  • Avenue de la République
  • Boulevard Voltaire
  • Boulevard du Temple
  • Passage du Vendôme
  • Rue du Temple
  • Boulevard Saint-Martin
  • Rue René Boulanger

Iruditegia

Informazio praktikoa

  • Geltokia: République


Kanpo estekak


Text submitted to CC-BY-SA license. Source: Errepublikaren plaza (Paris) by Wikipedia (Historical)


Langue des articles



Quelques articles à proximité