Լյուքսեմբուրգի թանգարան

Լյուքսեմբուրգի թանգարան (ֆր.՝ Musée du Luxembourg), արվեստի թանգարան Փարիզի VI թաղամասում՝ Սենա գետի ձախ ափին, Լյուքսեմբուրգյան այգում, Լատինական թաղամասի հարավային հատվածին մոտ։

Պատմություն

Թանգարանը հիմնադրվել է 1750 թվականին։ Ի սկզբանե եղել է պատկերասրահ՝ տեղակայված Լյուքսեմբուրգի պալատի արևելյան հատվածում (արևմտյան հատվածում էր գտնվում Ռուբենսի Մարի դե Մեդիչի շարքը), 1818 թվականին դարձել է ժամանակակից արվեստի առաջին թանգարանը։ Ներկայիս շենք թանգարանը տեղափոխվել է 1884 թվականին։ 2000 թվականին թանգարանի կառավարումն ստանձնել է Ֆրանսիայի մշակույթի նախարարությունը և Ֆրանսիայի սենատը, և թանգարանն սկսել է օգտագործվել ժամանակավոր ցուցահանդեսների համար։ 2010 թվականից թանգարանն ընդգրկվել է Թանգարանների ազգային միության կազմում։

1750-1780 թվականներին թանգարանը եղել է Փարիզի առաջին հանրային պատկերասրահը, որը ցուցադրել է արքայական հավաքածուն, որն ընդգրկել է Տիցիանի «Մադոննան և ճագարը», Դա Վինչիի «Սուրբ ընտանիք» (կամ «Կույսն ու մանուկը սուրբ Աննայի հետ» (Լեոնարդո դա Վինչի) կամ «Մադոննան ժայռերում») և այն հին վարպետների շուրջ 100 աշխատանքներ, որոնք այժմ Լուվրի թանգարանի հիմնական մասն են կազմում։ 1803 թվականին թանգարանը վերաբացվել է և ներկայացրել այնպիսի նկարիչների, ինչպիսիք Նիկոլա Պուսեն, Ժակ Լուի Դավիդը։ Այստեղ ցուցադրված աշխատանքներից շատերը գտնվում են Փարիզի տարբեր թանգարաններում՝ Ժյո դը պոմ ազգային պատկերասրահում, Musée de l'Orangerie-ում, Փարիզի Ժամանակակից արվեստի պետական թանգարանում, Օրսե թանգարանում։

Ծանոթագրություններ

Աղբյուրներ

• Les Grands du Dessin de Press: André Gill (1840-1885) "Quand ouvrira-t-on des maisons pour imbeciles?" Արխիվացված 2008-06-21 Wayback Machine
• Ochterbeck, Cynthia Clayton, editor (2009). The Green Guide Paris. Greenville, South Carolina: Michelin Maps and Guides. ISBN 9781906261375.

Արտաքին հղումներ

• Պաշտոնական կայք